] فضلت اخبط على الباب محدش سامع الصوت
[ ] وفجأه وانا بشد الباب حسيت بحد بيشد أيدي ناحيه البدروم وبيزوقني
[ ] وقعت على الأرض واغمي عليا ومحستش بنفسي
[ ] الي انا شوفته في الحلم الي حلمته دا كان بدايه لعنتي
[ ] انا لقيت نفسي في الهرم عند الست الي قرت الفنجان وانا شايفه نفسي وانا واقفه معاها وبتكلم معاها وهيا بتقرالي الفنجان وشوفت حد كان كله اسود في اسود واقف ورايا بالظبط وكان عمال يبص عليا
[ ] بس ازاي كان في واحد لابس اسود في اسود وقتها وانا اساسا لفيت ومشوفتش حد في الوقت دا
[ ] ازاي الشخص دا ظهر دلوقتي ومظهرش قبل كدا
[ ] اكيد في حاجا غلط او ممكن اكون يتخيل الشخص دا في عقلي لكن مش موجود في الحقيقه او يمكن كان موجود بس انا مشوفتهوش
[ ] وبعد كدا لقيت الست قامت ومشيت وانا مشيت وراها عشان اسئلها عن الكلام الي قالتهولي وازاي فنجاني ها يقتلهم لقيت حد طلع قصادي مره وحده وفضل يخنق فيا وانا عماله اصوت وابعده عني وكان بدون جدوى ماسك في رقبتي وعاوز يموتني
[ ] ومره وحده قومت من الكابوس دا وانا بصرخ
[ ] لقيت نفسي في نفس المكان وفي نفس الضالمه ومحدش جه يفتحلي
[ ] قومت وانا رقبتي وجعاني اوووي وانا قولت ممكن تكون من الوقعه الي وقعتها
[ ] وطلعت على السلم للباب وفتحت الباب وخرجت من البدروم وانا بقفل
[ ] سمعت صوت حاجا بتحصل تحت في البدروم وفي حجات بتقع وحد بيتكلم بيقول فنجانك ها يقتلهم فنجانك ها يقتلهم
[ ] طلعت جري على اوضتي وقفلت الباب عليا وقعدت على الأرض اعيط على الي حصلي دا والي وصلتله بسبب هوشي لأشياء مش موجوده ومينفعش نؤمن بيها
[ ] رقبتي كانت وجعاني اووي قومت عشان اشوفها في المرايه
[ ] لقيت ايد حد كانت عماله تخنق فيا وليها أثر جامد اوووي وباين انها كانت بتعافر عشان تخنقني جدا واموت
[ ] يعني الي انا شوفته كان حقيقه مش حلم زي ما انا كنت متخيل
[ ] يبقى انا كدا جسد بدون روح ولا خرجت الروح للعذاب ولا ايه الي بيحصل وانا مش قادره أفهمه
[ ] انا خلاص ها اتجنن من الي بيحصلي دا ومش قادره افهم حاجا
[ ] نمت وصحيت تاني يوم كلمت دكتور نفسي وروحت على عيادته وحكيتله كل حاجا
[ ] وقولتله على الي شوفته والي حسيت بيه
[ ] قالي دا اضطراب نفسي بسبب مشاكل وضغوط على الحياه ولازم تتجاوزيها وها تبقى كويسه جدا
[ ] انا حسيت من كلامه انه ميعرفش المعاناه الي انا بعيشها استأذنت وسيبته ومشيت
[ ] من يوم قراءه الفنجان وانا حياتي اتشقلبت ومبقتش فاهمه اي حاجا
[ ] وبسبب قرايتي للكتاب الي كان في البدروم وانا مبقتش حاسه براحه وحاسه ان في حد بيراقبني
[ ] واحده صاحبتي رنت عليا وقالتلي ان في واحده من الي بيقرو الفنجان عندها وعوزاكي تيجي تقري الفنجان
[ ] قولتلها لا انا مش عاوزه حد يقرالي الفنجان ولا عاوزه اشوف حد منهم
[ ] قالتلي دي بتقول انها تعرفك وقرت ليكي الفنجان قبل كدا
[ ] قولتلها بتقولي ايه تعرفني طب خليها عندك انا جايه حالا
] ركبت العربيه وروحت على بيت صاحبتي بسرعه ولقيتها نفس الست الي شوفتها عند الأهرامات قولتلها اخيرا لقيتك
[ ] انا في مصيبه كبيره اووي
[ ] قالتلي عارفه كل حاجا وعارفه الي حصل معاكي في البدروم
[ ] انا قولتلك فنجانك ها يقتلهم انتي مصدقتيش
[ ] قولتلها ما انا سئلتك السبب انتي الي اختفيتي مره واحده ومشوفتكيش تاني
[ ] قالتلي دا كان بسبب الجن الرقيب عليكي كان قريب جدا منك وانا خوفت جدا انه ياذيني عشان كدا هربت
[ ] ولما عرفت انك محتاجه مساعده والأمور اطورت قولت لازم اجيلك
[ ] قولتلها طيب مجتيش ليه على البيت عندي وقولتيلي الكلام دا
[ ] قالتلي مستحيل اكون عندك وانتي عندك حارس شيطاني قوي جدا
[ ] قولتلها انتي بتقولي ايه يا ست انتي حارس شيطاني ايه انا مفيش حد عندي في بيتي
[ ] قالتلي طيب انتي لما اتشديتي ووقعتي في البدروم محستيش ان حد سحبك
[ ] طب لما حلمتي ان حد بيخنقك وكان ها يموتك وشوفتي آثار ايده على رقبتك بعد ما صحيتي كان ايه شعورك واحساسك كان حلم برضو
[ ] انتي اتلعنتي بسبب جاريك ورا قرايه الفنجان والاستعجال على المستقبل
…يتابع
